orientacióncondesa

Documento editado pola Xunta de Galicia no que se recompilan as cuestións normativas máis relevantes con respecto á protección de datos persoais nos centros escolares, así como se ofrecen modelos de cláusulas de información e autorización para ser usados nos centros. Este protocolo actualizarase regularmente con distintos cambios normativos que se produzan. Para acceder a el, pincha na imaxe

  Actualización do Protocolo de prevención, detección e intervención do risco suicida no ámbito educativo do ano 2018, que inclúe novas estratexias que teñen como obxectivo abordar os malestares e o sufrimento psicolóxico e reducir o risco de suicidio da nosa poboación nos anos vindeiros. Para descargar o documento, preme aquí

  Entrada que recompila os distintos protocolos de intervención publicados pola Xunta de Galicia (Actualizado 16/11/2022)

A Consellería de Educación publicou un novo protocolo, neste caso trátase do Protocolo para a intervención psicoeducativa da dislexia e/ou outras dificultades específicas de aprendizaxe Preme na imaxe para acceder ao mesmo

Protocolo de atención educativa ao alumnado con altas capacidades intelectuais , publicado pola Consellería de Educación e Ordenación Universitaria. Segundo se explica no propio documento, o texto consta de nove epígrafes, empezando pola introdución. Na segunda epígrafe reseña a inclusión educativa, principio do sistema educativo que garante a equidade e normaliza a diversidade. Na terceira epígrafe ofrece información clave sobre o concepto das altas capacidades  intelectuais e fai referencia aos mitos que seguen a existir sobre este alumnado. Na cuarta epígrafe desenvólvese o proceso de identificación do alumnado con altas capacidades. Na quinta abórdase a intervención educativa e bríndanse orientacións ao centro educativo, á aula e apórtanse unha serie de medidas educativas ordinarias e extraordinarias dirixidas ao alumnado con esta condición desde unha perspectiva inclusiva, así como dánse pautas ás familias do alumnado e indicacións para a avaliación curricular e seguime...

Protocolo para a atención educativa do alumnado con discapacidade auditiva publicado pola Consellería de Educación e Ordenación Universitaria . Ofrece información clave sobre a perda auditiva,  sobre o proceso de detección e diagnóstico e sobre a intervención educativa, describindo  as necesidades educativas do alumnado con discapacidade auditiva, as   medidas educativas para atender este alumnado e a planificación da intervención educativa a nivel de centro, de aula e na familia.  Tamén ofrece orientacións para o emprego dos distintos recursos e axudas técnicas,   así como pautas para a sensibilización da comunidade educativa,  a avaliación do alumnado con discapacidade auditiva e bibliografía sobre o tema.

Protocolo para a atención educativa do alumnado coa Síndrome de Down e/ou discapacidade intelectual , publicado pola Consellería de Cultura, Educación e Ordenación Universitaria e elaborado por un grupo interdisciplinario constituido a tal efecto. Neste documento podes atopar información sobre: que é a Síndrome de Down;  orientacións no proceso de escolarización do alumnado coa Síndrome de Down e/ou discapacidade intelectual; pautas para a organización interna do centro co fin de ofertar unha axeitada resposta educativa; orientacións metodolóxicas e de aula;  medidas curriculares desde a perspectiva do deseño universal para a aprendizaxe;  orientacións sobre a avaliación e seguimento do alumnado; orientacións de colaboración coas familias e aspectos a ter en conta para a sensibilización da comunidade educativa en prol dunha cultura inclusiva. Se queres acceder ao documento, pincha aquí . FONTE: Páxina da Consellería de Cultura, Educación e Ord...

Protocolo de coordinación fronte a violencia de xénero en Galicia con propostas para sensibilizar en violencia de xénero, incluíndo tamén protocolos de actuación en todos os ámbitos, desde o educativo, o sanitario, o xurídico e o  social. VÍA: Mónica Diz Orienta

A Consellería de Cultura, Educación e Ordenación Universitaria publicou o protocolo de prevención, detección e intervención do risco suicida mo ámbito educativo. Pretende ser o marco orientativo, a partir do que cada centro educativo, poderá adaptar á súa realidade e características concretas para elaborar o seu propio plan, que formará parte do Plan de Convivencia. FONTE: educonvives,gal

A Xunta presenta un novo protocolo educativo para garantir a igualdade, a non discriminación e a liberdade de identidade de xénero co fin de avanzar na atención á diversidade do alumnado galego e de fixar pautas de actuación para os centros en relacións ligadas con este tema . Para acceder ao documento, pincha aquí .

A Consellería de Cultura, Educación e Ordenación Universitaria elaborou un protocolo de protección de datos nos centros escolares, que pretende dar unha serie de pautas á comunidade educativa na xestión e tratamento dos datos persoais. Ademais incorpora unha serie de anexos con modelos de autorizacións co fin de que se utilicen en todos os centros da nosa comunidade. Para acceder ao mesmo, pincha aquí ou preme na imaxe. Vía Orientación Galicia

Protocolo de atención educativa para alumnado con trastorno de espectro autista publicado pola Consellería de Cultura, Educación e Ordenación Universitaria. Para acceder, pincha na imaxe Nel  poderás atopar: Concepto de trastorno do espectro do autismo (TEA) Diagnóstico do TEA Indicadores para a familia Indicadores para a escola O diagnóstico Profesorado titor. Xefatura do departamento de orientación Equipo de Orientación Específico (EOE) Tratamento educativo do alumnado con TEA Alumnado Profesorado Aula Centro docente Familia Entidades sen ánimo de lucro relacionadas co TEA Medidas educativas Orientacións para o proceso de escolarización Orientacións para o currículo Avaliación do alumnado con TEA Seguimento do tratamento educativo do alumnado con TEA.  Procesos de mellora O seguimento a curto prazo O seguimento a medio prazo  O seguimento a longo prazo ou avaliación Glosario Referencias bibliográficas e fontes de informaci...

Protocolo básico realizado pola Consellería de Educación que artella unha resposta unificada  ás posibles urxencias sanitarias que poidan ocorrer na escola motivadas por accidentes escolares ou por enfermidade crónica Para acceder pincha aquí Este protocolo será complementado por distintas addendas. A primeira dedícase a diabetes. Para acceder a ela, pincha no enlace. Addenda de Diabete

Orde pola que se regula a implantación para o curso 2014-2015 dos cursos primeiro, terceiro e quinto de educación primaria (Próxima publicación no DOG) Para acceder, pincha AQUÍ Importante: información sobre a toma de posesión do concurso de traslados convocado pola Orde do 16 de outubro de 2013 Para acceder á información, pincha AQUÍ FONTE:  Subdirección Xeral de Recursos Humanos Protocolo de consenso sobre TDAH nos ámbitos educativo e sanitario Mediante o mesmo establécese  o camiño a seguir e defínese a liña de comunicación entre os servizos de orientación  e os servizos sanitarios. Para descargar, pincha  AQUÍ FONTE: http://www.edu.xunta.es/web/node/12908 Axudas para alumnado con necesidade específica de apoio educativo (2014-2015). O prazo é ata o día 30 de setembro . Podedes  traer ao departamento de orientación a documentación da axuda, coa parte cuberta polo gabinete que atende ao voso fillo...

A Consellería de Cultura, Educación e Ordenación Universitaria presentou un protocolo para a prevención e o control do absentismo en nos centros escolares. O seu obxectivo é regular e controlar a asistencia a clase do alumnado galego. A través de el intentanse establecer unhas pautas comúns de actuación e  definir conceptos como que é absentismo, que documentos deben formar parte dun expediente de absentismo, que se considera unha  falta de asistencia xustificada ou inxustificada, que modelos podemos utilizar para acreditar a ausencia, entre outros. Amais no protocolo, podemos encontrar unha serie de anexos, como modelos das convocatorias de reunión, das actas dos encontros coas familias, de notificación do expediente de absentismo, etc. Os anexos están en formato word co fin de que poidan ser modificados. Neste documento establécese que é o  profesor titor o que debe realizar diariamente o control de asistencia e comunicar as faltas ás familias dentro d...