orientacióncondesa

Conto audiovisual, impulsado por UNICEF e escrito por María Solar, Ledicia Costas e Fran Alonso. Está ilustrado por Leandro Lamas e narrado por diferentes actores e actrices galegos.  Fonte: Galicia Confidencial Vía: Orientanós

ORDE do 25 de xuño de 2020 pola que se aproba o calendario escolar para o curso 2020/21 nos centros docentes sostidos con fondos públicos na Comunidade Autónoma de Galicia.  Pincha neste  ENLACE  para consultalo

Pode que este sexa o fin de curso máis atípico que vivíramos ata o momento. Acaban as clases, pero sen regresar ás aulas.  Toca despedirse do curso que remata, pero no voso caso tamén do cole no que pasastes os últimos anos. A este curso estrano faltáronlle moitas cousas, entre outras a despedida presencial que a todos nos houbera gustado: con festa, bicos e apertas.  Mais o confinamento motivado pola crise do coronavirus fixo que a vosa despedida do colexio e dos vosos compañeiros/as fose virtual e moi distinta a como acostumamos celebralo no colexio. Pero tamén única e especial! As despedidas sempre nos poñen un pouco tristes, sen embargo esta ten que ser motivo de alegría, porque coroa todo o traballo que levades realizado e porque pecha  unha etapa, pero dá comezo a outra tamén  chea de cousas bonitas.  Toda a sorte do mundo na vosa nova andaina!   Como sabedes, a próxima semana teremos unha videoconferencia coas vosas familias para falar do paso a Educación Secundaria Obrigatoria

Este curso o coronavirus, ese bichito tan pelma empeñado en trastocar os nosos plans, fixo que a vosa despedida de Infantil e as actividades que acostumamos realizar para facer máis doado o cambio de etapa foran, cando menos, distintas. Como sabedes, a próxima semana teremos unha videoconferencia  para falar do paso a Educación Primaria. Con ela pretendemos acompañarvos nesta nova andaina e escoitar, e tentar de resolver, as posibles dúbidas que poidades ter.  Cremos que ter unha información adecuada evita medos, incertidumes e tensións que podedes, sen pretendelo, transmitir aos vosos fillos/as. Mentres tanto, deixámosvos documentos e pautas para que teñades información,  co fin de facilitar o coñecemento da  nova etapa e a transición á mesma. Esperamos que vos sexan de axuda!

Interesante e motivadora presentación, elaborada pola orientadora  Mº José Pérez Albo ( @mjpalb), co n  ideas para pechar este curso, no que as clases presenciais suspendéronse abruptamente por mor da crise sanitaria provocada pola COVID 19. Vía Orientanós