Publicacións

Mostrando publicacións desta data: Xuño, 2012

ARABOARD PARA ANDROID

Imaxe
O comunicador Araboard xa está dispoñible na súa versión para Android. Ás posibilidades que ofrecía na versión para ordenador, temos que engadir as que ofrece para usar nun smartphone ou nunha tablet. Déixovos un enlace á entrada sobre este tema da páxina Informática para Educación Especial. Nela podedes atopar información detallada sobre que requisitos son necesarios para o seu funcionamento e sobre a súa descarga.
Imaxe
De novo déixovos dous interesantes documentos de Anabel Cornago. Un deles foi publicado no seu blog o pasado mes de abril e o outro neste mes. Veredes que, como sempre, son moi prácticos e aportan moitas ideas. Así que, de novo, darlle as grazas por compartir o seu traballo. Para descargalos pinchade no enlace. Recomendacións no día a día Fichas para traballar o volume de voz

GUÍA PARA MELLORAR A ATENCIÓN AO ALUMNADO INMIGRANTE EN LOS CENTROS EDUCATIVOS

Imaxe
Esta guía, froito da colaboración entre o Ayuntamiento de Logroño, o IES Batalla de Clavijo, a Asociación Intercultural de Mujeres de la Rioja (AMIRAS) e algunhas institucións da cidade inglesa de Cambridge, pretende favorecer  e facilitar a evolución do alumnado inmigrante dentro do sistema educativo. Neste documento podemos atopar  información sobre as decisións básicas no centro con respecto á atención educativa do alumnado inmigrante; pautas para a acollida do alumnado, para o seu seguimento e avaliación; recursos do centro e comunitarios e materiais de traballo. Si estades interesados en ver a guía, pinchade aqui

PROBA DE AVALIACIÓN MORFOSINTÁCTICA

Imaxe
Na web de Gema Noreña atopei esta proba de avaliación da linguaxe infantil realizada por un grupo de traballo de profesoras especialistas en Audición e Linguaxe  no CPR de Avilés. Como a propia Gema di, esta proba está deseñada para avaliar de xeito estruturado e claro a  linguaxe infantil, partindo da práctica diaria. A través dela podemos determinar en que etapa do desenvolvemento da linguaxe se atopa o alumno e, a partir de aí, deseñar a intervención.  Para acceder á proba, pincha aqui

QUIÉN TE QUIERE A TÍ?

Imaxe
No interesante blog de José Alfredo Espinosa atopei esta guía da asociación Save the Children . Está dirixida ás familias e pretende informar ás mesmas para que exerzan unha parentalidade responsable e positiva, baseada nos dereitos do neno, no afecto e tamén no establecemento de normas e límites. Pincha aqui para acceder á guía

QUE PASA NA VIDA VIRTUAL?

Imaxe
Chegan as vacacións e con elas o aumento do tempo libre. Os nenos realizan multitude de actividades e, entre elas, increméntase o uso que fan de internet. Qué pasa en la vida virtual? é unha interesante guía, escrita por Patricia Arcos Sánchez et al,  que pretende  axudar as familias na intermediación e protección na rede dos menores. Con seguridade, a ningún de nós se nos ocorrería deixar sen protección a un neno ante un  perigo da vida real. Normalmente estas situacións fanse máis patentes e intervimos inmediatamente. Estranaríanos moito que unha persoa descoñecida comezara a falar habitualmente cun neno ou mesmo que compartise fotos ou detalles da súa vida con el. Sen embargo, en ocasións, somos menos conscientes de que esas mesmas situacións danse con relativa frecuencia na "vida virtual". Que podemos facer os adultos para que iso non aconteza? En primeiro lugar ensinar antes que prohibir. Non se trata de que non lles deixemos acceder a determinados usos de inte

ABERTO POR VACACIÓNS

Imaxe
As vacacións de verán xa están aqui. Unha chea de tempo libre para descansar e cargar as pilas cara ao curso que ven. Como non queremos que se vos esqueza nada do que aprendestes este curso, deixámosvos o enlace á páxina que, a Junta de Castilla e León,  prepara todos anos. A deste verán consiste nun "maratón" de xogos e recursos educativos para todas as idades, coa finalidade de repasar os contidos do curso, entreteterse e pasalo ben. Aquí queda  o enlace á páxina deste ano e doutros anteriores. Que vos divirtades! Verano olímpico Aberto por vacacións 2011 Aberto por vacacións 2010 Escritorio de verán 2009  Caderno de pasatempos

ARABOARD PARA WINDOWS

Imaxe
O mundo da comunicación aumentativa e alternativa está de noraboa, posto que xa está dispoñible a descarga de  ARABOARD na versión PC para Windows. Araboard é un conxunto de ferramentas para a comunicación alternativa e aumentativa, deseñadas por ARASAAC en colaboración con outras institucións, que teñen a finalidade de facilitar a comunicación funcional, a través de imaxes e pictogramas, a persoas que presentan dificultades nese ámbito. Ademais tamén pode utilizarse para crear taboleiros con rutinas ou para anticipar a realización dalgunha tarefa prevista de antemán. As ferramentas complementarias que compoñen Araboard son ARABOARD CONSTRUCTOR (ferramenta para a creación e edición de taboleiros de comunicación a partir dos pictogramas) e ARABOARD PLAYER ( ferramenta que executa os taboleiros de comunicación previamente creados) É unha aplicación sinxela, gráfica, cómoda e intuitiva que nos facilita o traballo enormemente. A continuación deixo un enlace para descarga

EN LOS ZAPATOS DE LOS NIÑOS CIEGOS

Imaxe
" En los zapatos de los niños ciegos" es una guía publicada pola ONCE (2004), obra de Rosa Lucerga e Elena Gastón. O título responde a que as autoras parten da idea de que para que para potenciar o  desenvolvemento dos nenos hai que poñerse no seu lugar. Realizouse tendo en mente ás familias que teñen un membro con discapacidade visual, así como aos profesionais que traballan con eles, especialmente no ámbito da atención temperá. A guía abarca o período de desenvolvemento que vai ata os tres anos e marca unha serie de obxectivos a conseguir acompañados de imaxes, orientacións e suxestións. Os obxectivos márcanse para períodos semestrais e asócianse ás distintas  áreas de desenvolvemento. Pincha aquí para descargar a guía

SUPERDOTADOS E SUPERDOTADAS

Imaxe
A Junta de Andalucía publicou vai uns meses o documento "Orientaciones para la valoración de las capacidades cognitivas y aptitudes intelectuales" dentro do marco do Plan de Actuación para a atención educativa ao alumnado con neae por presentar altas capacidades intelectuais, que ten previsto desenvolver entre 2011 e 2013. O documento resalta a importancia que ten a valoración global do alumnado para a identificación do alumno ou alumna con altas capacidades intelectuais e céntrase específicamente na avaliación da competencia cognitiva, sen entrar a valorar outras facetas. Pretende difundir entre os profesionais da orientación educativa unha  información que sirva de base para a identificación temperá deste alumnado, así como os protocolos para a avaliación psicopedagóxica. A guía aporta información sobre as altas capacidades, consideracións sobre a identificación temperá, sobre o tipo de excepcionalidade intelectual, instrumentos de detección e reseñas bibliográficas.

WIKITEA, WIKITALENTOS E TICWIKI

Imaxe
Na páxina do Equipo de Orientación do Colexio Marista Liceo Castilla, podedes acceder a tres estupendas wikis elaboradas no centro como parte dun proxecto de innovación educativa. A primeira é Wikitea , un espazo con abundante información de interese sobre o Trastorno de Espectro Autista para o profesorado, as familias e o alumnado. Esta wiki realizouse polo profesorado do centro en colaboración con  Autismo Burgos e o CFIE desta mesma cidade. Ten varias categorías: concepto e teorías explicativas; detección e valoración; intervención educativa; profesorado, alumnado, familias; habilidades sociais; acoso escolar; experiencias; recursos; enlaces e bibliografía. Cada unha delas contén abundante e interesante información. A segunda é Wikitalentos , que tamén pretende ser un espazo con abundante información de interese sobre as Altas Capacidades Intelectuais para o profesorado, as familias e o alumnado. Esta wiki é tamén o resultado dun proxecto colaborativo do centro. A

ALTERACIÓNS DO COMPORTAMENTO EN CONTEXTOS EDUCATIVOS

Imaxe
A Consejería de Educación y Universidade do Goberno do Principado de Asturias pon a nosa disposición un material que pretende dar resposta educativa ás alteracións do comportamento  no contexto educativo. O material está elaborado polo Equipo Específico de Alteracións do Comportamento e por profesorado do proxecto "Trampolín". Este último é un programa experimental específico para alumnado con alteracións graves do comportamento. Esta ferramenta, que  pode ser utilizada en Educación Primaria e Secundaria, consta de un libro e cinco cadernos. No libro preséntanse as bases teóricas das alteracións do comportamento, as posibles alteracións, os modelos explicativos e os factores de risco. Nos cinco cadernos podemos atopar material para a intervención educativa na aula, no centro ou coa familia ( Caderno 2 ) ; protocolos de demandas e proceso de intervención do EOE ( Caderno 3 ) ; intervención familiar e cuestionarios ( Caderno 4 ) ; información sobre o programa Trampol

NOVOS BLOGS AO SERVIZO DA ORIENTACIÓN EDUCATIVA

SPQR: APLICACIÓN ACCESIBLE DE CÓDIGOS QR

Imaxe
O mundo das tecnoloxías da información asómbranos cada día con novos avances e aplicacións que facilitan moitas das tarefas cotiás. Gran parte delas son aproveitables en educación e, como non, tamén no ámbito da atención ás necesidades educativas especiais. Unha aplicación que me chamou particularmente a atención polas posibilidades que ofrece no traballo diario  é SPQR. É froito do traballo conxunto entre a Fundación Orange e BJ Adaptaciones . Componse dunha aplicación para ordenador e outra para o dispositivo móbil Android. A aplicación para PC permite crear os códigos QR, definir os usuarios e os formatos (pictogramas, vídeo, lingua de signos...), así como asociar os contidos aos códigos QR. Logo só temos que imprimilos e poñelos no material que queiramos. A aplicación para o móbil Android, cunha simple captura de imaxe, le  a información do código QR   e tradúcea a pictogramas, a Lingua de Signos ou a audio, segundo se especificara na  preconfiguración realizada no disposit

COMO EXPLICAR O AUTISMO

Imaxe
Este  libro  pretende explicarlle aos nenos con autismo e aos seus compañeiros da clase que é o trastorno de espectro autista. Realizouno Anabel Cornago e as ilustracións son de Maite Navarro e ARASAAC. Anabel ten un fillo con autismo e fixo este material pensando en el e nos seus compañeiros.   Explica en que consiste este síndrome, aínda que tamén nos recorda que todas as persoas temos unhas características diferentes que nos convirten en únicas e irrepetibles, teñamos autismo ou non. Pincha aquí para acceder á guía

ORIENTACIÓNS EDUCATIVAS PARA O ALUMNADO CON ALTAS CAPACIDADES

Imaxe
No pasado mes de maio publicouse en Euskadi  a guía:  Orientaciones educativas. Alumnado con altas capacidades. Este documento recolle as principais liñas que o goberno vasco deseñou para dar resposta ás necesidades específicas na atención ao alumnado con altas capacidades. O máis destacado do documento é o seu enfoque inclusivo e que o proceso que propón  para a valoración e detección das altas capacidades baséase en ferramentas e estratexias diversificadas que teñan en conta o desenvolvemento emocional, social e creativo e non unicamente as probas psicométricas.  Orientaciones educativas. Alumnado con altas capacidades  Ademais podedes acceder ao enlace do Plan estratégico de orientación a la diversidad en el marco de una escuela inclusiva (2012-2016) na comunidade do País Vasco que se presentou o pasado mes de abril.