ACTIVIDADES PARA MELLORAR A PRESIÓN DO LAPIS
Unha das habilidades necesarias para a
escritura é executar unha adecuada presión sobre os instrumentos gráficos.
Ás veces nos atopamos con que os nenos exercen demasiada presión e se
cansan en seguida ou, pola contra, apenas realizan forza, polo que a
súa grafía se ve deteriorada.
A continuación presentamos unha serie
de actividades encamiñadas a mellorar a presión e agarre dos
instrumentos de escritura.
Non se trata dun listado exhaustivo, pero
si están moitas das que axudan a mellorar a presión notablemente.
É importante procurar realizalas dun
xeito regular e nunca durante máis de trinta minutos. Se nese espazo de
tempo, non rematan a tarefa proposta, podemos deixala para outro día.
É conveniente que sempre propoñamos
unha meta que xustifique a realización da actividade, deste modo
incrementaremos a motivación cara a tarefa proposta.
Hai unha serie de actividades
especialmente indicadas para traballar os problemas de presión:
Recortar
Facer flocos coa tesoira, recortar
figuras polo contorno, polo polo eixe de simetría, en fragmentos
rectilíneos e compoñelos de novo; recortar papel dobrado; cortar cos dedos índice, polgar e medio...
Coser
Picar
Modelar
Amasar plastilina, esmagar bolas ata
deixalas planas, apertar a plastilina entre os dedos ata que estes se
xunten, facer colares ou brazaletes con churros, cortar plastilina cunha
tesoira...
Pregar
Outras actividades que podemos realizar
son:
A batalla dixital: Apertar o dedo
índice contra o polgar de cada un das mans, mantendo a presión
durante uns segundos e soltar. Alternar todos os dedos do mesmo
xeito
Estirar as palmas: estirar os dedos
todo o posible e mantelos así durante uns segundos para
posteriormente relaxar as mans e apertar os puños ao mesmo tempo
Recoller obxectos pequenos con pinzas
(boliñas de algodón, contas, gominolas...) e movelos dun recipiente
a outro
Colgar pinzas no borde dunha caixa, dun
papel ou dun mantel e logo quitalas
Facer pequenas bolas de papel e usar
apunta do dedo para tiralas a un lugar determinado
Explotar as burbullas típicas do
plástico de embalar
Usar un contagotas para mover líquidos
dun recipiente a outro.
Certos xogos e xoguetes poden axudarnos
a mellorar a presión sobre os útiles gráficos:
Xoguetes de bonecas ou ras saltarinas
nos que hai que enviar a forza á punta do dedo para conseguir que
salten
Pistolas de auga
Xoguetes de encastre para armar e
desarmar
Xoguetes con teclados
Paíños chineses ou Mikado
Rolos e paletinas para pintar
Temperas presentadas con aplicador que
pintan facendo presión no bote para que flúa a pintura
Na casa tamén podemos contribuír a
mellorar a presión que os nenos realizan no lapis mediante unha
serie de actividades cotiás como son:
“Limpar” unha superficie con
esponxas
Amasar e estirar masa de galletas e
recortalas con moldes
Escribir no teclado do ordenador
Apertar e espremer a esponxa no baño e
volver a tomar auga coa mesma
Espremer laranxas
Pelar mandarinas, castañas...
Cortar un filete en anacos
Enlaces
Prensión y presión del instrumento
Easy Origami
Plegar y cortar
Sombras con las manos
Si queres descargar esta entrada en PDF, pincha AQUI
Enlaces
Prensión y presión del instrumento
Easy Origami
Plegar y cortar
Sombras con las manos
Si queres descargar esta entrada en PDF, pincha AQUI
Comentarios
Publicar un comentario
Non esquezas deixar o teu comentario