F orientacióncondesa: SPQR: APLICACIÓN ACCESIBLE DE CÓDIGOS QR

sábado, 2 de junio de 2012

SPQR: APLICACIÓN ACCESIBLE DE CÓDIGOS QR

O mundo das tecnoloxías da información asómbranos cada día con novos avances e aplicacións que facilitan moitas das tarefas cotiás. Gran parte delas son aproveitables en educación e, como non, tamén no ámbito da atención ás necesidades educativas especiais.
Unha aplicación que me chamou particularmente a atención polas posibilidades que ofrece no traballo diario  é SPQR. É froito do traballo conxunto entre a Fundación Orange e BJ Adaptaciones. Componse dunha aplicación para ordenador e outra para o dispositivo móbil Android.
A aplicación para PC permite crear os códigos QR, definir os usuarios e os formatos (pictogramas, vídeo, lingua de signos...), así como asociar os contidos aos códigos QR. Logo só temos que imprimilos e poñelos no material que queiramos.
A aplicación para o móbil Android, cunha simple captura de imaxe, le  a información do código QR   e tradúcea a pictogramas, a Lingua de Signos ou a audio, segundo se especificara na  preconfiguración realizada no dispositivo móbil.  Deste xeito, cun só código podemos asociar diferentes canais ao móbil de cada usuario con diversidade.
Por exemplo, queremos contar un conto e, a través do código QR, o mesmo conto pode ser leído en Lingua de  Signos a unha persoa con discapacidade auditiva, cun audio oral a unha persoa con discapacidade visual ou con pictogramas a unha persoa con autismo ou con discapacidade motora. 
Outra vantaxe é que SPQR é unha aplicación totalmente gratuíta!
Si te interesa este recurso podes atopar abundante información na páxina web do proxecto


                                                          PROXECTO SPQR



No hay comentarios :

Publicar un comentario en la entrada

Non esquezas deixar o teu comentario

divpinterest